ನಾವು ಹಲವು ಬಾರಿ ರೈಲಿನಲ್ಲಿ ಪ್ರಯಾಣಿಸುತ್ತೇವೆ. ರೈಲಿನಲ್ಲಿ ಒಂದಲ್ಲ ಒಂದು ವಿಶೇಷತೆಗಳು ಇರುತ್ತವೆ. ಆದರೆ ನಾವು ಅದನ್ನು ಹೆಚ್ಚಾಗಿ ಗಮನಿಸುವುದಿಲ್ಲ. ಇದೀಗ ನಾವು ರೈಲಿನಲ್ಲಿ ಪ್ರಯಾಣಿಸುವಾಗ ರೈಲಿನಲ್ಲಿ ಹಲವಾರು ಬಣ್ಣಗಳು ಇರುತ್ತವೆ. ಈ ಬಣ್ಣಗಳು ಏನನ್ನು ಸೂಚಿಸುತ್ತವೆ ಎಂದು ಎಂದಾದರೂ ಯೋಚಿಸಿದ್ದೀರಾ? ಇಲ್ಲಿದೆ ಇದರ ಕುರಿತು ಸಂಪೂರ್ಣ ಮಾಹಿತಿ.
ರೈಲಿನಲ್ಲಿ ನೀಲಿ, ಕೆಂಪು ಮತ್ತು ಹಸಿರು ಕೋಚ್‌ಗಳು ಇರುತ್ತವೆ. ಆದರೆ ಏನಿಕೆ ಈ ಬಣ್ಣದ ಕೋಚ್ ಗಳನ್ನು ಮಾತ್ರ ಬಳಸುತ್ತಾರೆ. ಇದರ ಹಿಂದಿನ ಉದ್ದೇಶವೇನು ಎಂಬುದನ್ನು ನಾವು ಎಂದಿಗೂ ಯೋಚಿಸಿರುವುದಿಲ್ಲ. ಇದರ ಕುರಿತು ಇಂಟೆರೆಸ್ಟಿಂಗ್ ವಿಚಾರ ಇಲ್ಲಿದೆ.
ರೈಲ್ವೆ ಕೋಚ್ ಗಳು ಹೆಚ್ಚಾಗಿ ನೀಲಿ ಬಣ್ಣದಲ್ಲಿರುತ್ತದೆ. ಇದು ಐಸಿಎಫ್ ಅಥವಾ ಇಂಟಿಗ್ರೇಟೆಡ್ ಕೋಚ್‌ಗಳಾಗಿದ್ದು, ಗಂಟೆಗೆ 70 ರಿಂದ 140 ಕಿಲೋಮೀಟರ್‌ಗಳ ವೇಗವನ್ನು ಹೊಂದಿರುತ್ತದೆ. ಈ ರೈಲುಗಳ ಮೇಲೆ ಎಕ್ಸ್‌ಪ್ರೆಸ್ ಅಥವಾ ಸೂಪರ್‌ಫಾಸ್ಟ್ ರೈಲುಗಳು ಎಂದು ಬರೆದಿರುವುದನ್ನು ಕಾಣಬಹುದು. ಇವುಗಳನ್ನು ಕಬ್ಬಿಣದಿಂದ ತಯಾರಿಸಲಾಗುತ್ತದೆ ಮತ್ತು ಏರ್ ಬ್ರೇಕ್ಗಳನ್ನು ಅಳವಡಿಸಲಾಗಿರುತ್ತದೆ.
ಇದಾದ ನಂತರ ಕೆಂಪು ಬಣ್ಣದ ಕೋಚ್ ಗಳನ್ನು ನೀವು ಕಾಣಬಹುದು. ಇವುಗಳನ್ನು ಹಾಫ್ ಮ್ಯಾನ್ ಬುಷ್ ಎಂದು ಕರೆಯಲಾಗುತ್ತದೆ. ಏಕೆಂದರೆ ಈ ಮೊದಲು ಈ ಕೋಚ್‌ಗಳನ್ನು ಈ ಕಂಪನಿಯು ತಯಾರಿಸಿತ್ತು. ಆದರೆ ಇದೀಗ ಭಾರತದ ಪಂಜಾಬ್ ನಗರದಲ್ಲಿ ಈ ಕೋಚ್ ಗಳನ್ನು ತಯಾರಿಸುತ್ತಿದ್ದಾರೆ.
ಈ ಕೋಚ್‌ಗಳು ಅಲ್ಯೂಮಿನಿಯಂನಿಂದ ಮಾಡಲ್ಪಟ್ಟಿದೆ. ಇತರ ಕೋಚ್‌ಗಳಿಗಿಂತ ಕಡಿಮೆ ತೂಕ ಹೊಂದಿರುತ್ತದೆ. ಈ ರೈಲುಗಳು ಗಂಟೆಗೆ 200 ಕಿ.ಮೀ ವೇಗದಲ್ಲಿ ಚಲಿಸುತ್ತದೆ. ಹೆಚ್ಚಾಗಿ ಈ ಬಣ್ಣದ ಕೋಚ್ ಗಳನ್ನು ನಾವು ಶತಾಬ್ದಿ ಮತ್ತು ರಾಜಧಾನಿ ರೈಲಿನಲ್ಲಿ ಕಾಣಬಹುದು.
ಹಸಿರು ಕೋಚ್‌ಗಳನ್ನು ಗರೀಬ್ ರಥದಲ್ಲಿ ಬಳಸಲಾಗುತ್ತದೆ. ಮೀಟರ್ ಗೇಜ್ ರೈಲುಮಾರ್ಗದಲ್ಲಿ ಕೆಲವು ಕಂದು ಬಣ್ಣದ ಕೋಚ್‌ಗಳೂ ಕಾಣಬಹುದು. ಇದನ್ನು ಹೊರೆತು ಪಡಿಸಿದರೆ ಕೆಲವೊಂದು ಕಡೆ ನಾವು ಹಸಿರು ಬಣ್ಣದ ಕೋಚ್ ಗಳನ್ನು ಸಹ ನೋಡಿರುತ್ತೇವೆ. ಇದು ಮಹಿಳೆಯರಿಗೆ ಮಾತ್ರ ಎಂದು ಸೂಚಿಸಿರುತ್ತದೆ. ಬೂದು ಕೋಚ್‌ಗಳ ಮೇಲಿನ ಕೆಂಪು ಪಟ್ಟಿಗಳು EMU/MEMU ರೈಲುಗಳಲ್ಲಿ ಪ್ರಥಮ ದರ್ಜೆಯ ಕ್ಯಾಬಿನ್‌ಗಳನ್ನು ಸೂಚಿಸುತ್ತವೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
