ಬೆಂಗಳೂರು ನಗರದಲ್ಲಿ ಗಾಡಿ ಓಡಿಸುವುದು ಎಂದರೆ ಒಂದು ರೀತಿಯ ಕಿರಿ ಕಿರಿ. ಸದಾ ಕಾಲ ಟ್ರಾಫಿಕ್ ಸಮಸ್ಯೆಯಿಂದ ಜನ ಪರದಾಡುತ್ತಿರುತ್ತಾರೆ. ಅದರಲ್ಲೂ ಕ್ಯಾಬ್ ಡ್ರೈವರ್ಸ್ ಗಳ ಸಮಸ್ಯೆ ಕೇಳೋದೆ ಬೇಡ. ಕೆಲವೊಂದು ಸಲ ನಾವು ಕ್ಯಾಬ್ ಬುಕ್ ಮಾಡಿದಾಗ ಅವರು ಅದನ್ನು ಕ್ಯಾನ್ಸಲ್ ಮಾಡಲು ಈ ಟ್ರಾಫಿಕ್ ಕೂಡ ಒಂದು ಕಾರಣವಾಗುತ್ತದೆ. ಆದರೆ ಇದೀಗ ಈ ಕ್ಯಾಬ್ ಚಾಲಕನ ಕಥೆ ಕೇಳಿದರೆ ನೀವು ಕೂಡ ಶಹಬಾಷ್ ಎನ್ನುತ್ತೀರಾ.
ಸುಮಿತ್ ಎನ್ನುವವರು ತಮ್ಮ ಟ್ವಿಟರ್ನಲ್ಲಿ ಕ್ಯಾಬ್ ಚಾಲಕನ ಫೋಟೋವನ್ನು ಹಂಚಿಕೊಂಡು, ಸದಾ ಜಿಗಿಜಿಗಿ ಎನ್ನುವ ಬೆಂಗಳೂರಿನ ರಸ್ತೆಗಳಲ್ಲಿ ಡ್ರೈವ್ ಮಾಡಲು ಚಾಲಕನಿಗೆ ಪ್ರೇರಣೆ ಆಗಿದ್ದು ಹೇಗೆ ಎಂದು ತಿಳಿಸಿದ್ದಾರೆ.
ಸುಮಿತ್ ಹೇಳಿರುವ ಕಥೆಯಲ್ಲಿ ಕ್ಯಾಬ್ ಚಾಲಕನ ಹೆಸರನ್ನು ಹೇಳಿಲ್ಲ. ಒಂದು ದಿನ ಕ್ಯಾವ್ ಡ್ರೈವರ್ಗೆ ರಾತ್ರಿ ವೇಳೆ ಕೆಲಸ ಮಾಡುತ್ತಿದ್ದ ಸಮಯದಲ್ಲಿ ರೈಡ್ ಬುಕ್ ಆಗಿತ್ತು. ಆದರೆ ತುಂಬಾ ದೂರ ಹಾಗೂ ಲೇಟ್ ನೈಟ್ ಆಗಿದ್ದ ಕಾರಣ ಮನವಿಯನ್ನು ತಿರಸ್ಕರಿಸಿದ್ದರು. ಆದರೆ ಪದೇ ಪದೇ ಅವರಿಗೆ ರೈಡ್ ಬುಕ್ ಮನವಿ ಬರುತ್ತಿತ್ತು. ಇದರಿಂದ ಅನಿವಾರ್ಯವಾಗಿ ಅವರು ರೈಡ್ ಮನವಿಯನ್ನು ಸ್ವೀಕರಿಸಿದ್ದರು. ಈ ಒಂದು ರೈಡ್ ಅವರ ಜೀವನನ್ನೇ ಬದಲಿಸಿತ್ತು.
🚖 Met a cab driver @peakbengaluru on my way to the airport. Little did I know, this ride would be the most inspiring experience of my life. 🧵 pic.twitter.com/GeCUQcvvNF
— Sumitm.lens (@sumitwt_) March 15, 2023
ರೈಡ್ ಬುಕ್ ಆಗಿದ್ದ ಲೋಕೇಷನ್ಗೆ ತೆರಳಿದ್ದ ವೇಳೆ ಅಲ್ಲಿ ಹೆರಿಗೆ ನೋವಿನಿಂದ ಬಳಲುತ್ತಿದ್ದ ಗರ್ಭಿಣಿಯನ್ನು ಡ್ರೈವರ್ ನೋಡಿದ್ದರು. ಕೂಡಲೇ ಮಹಿಳೆಯನ್ನು ಕಾರಿನಲ್ಲಿ ಕೂರಿಸಿಕೊಂಡು ಅತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋದರು. ಆದರೆ ತಡರಾತ್ರಿ ಆ ಆಸ್ಪತ್ರೆಯಲ್ಲಿ ವೈದ್ಯರು ಇಲ್ಲದೆ ಇರುವ ಕಾರಣ ಸಮೀಪದ ಮತ್ತೊಂದು ಆಸ್ಪತ್ರೆ ಕಡೆ ಚಾಲಕ ನಡೆದರು.
ಇದಾದ ಬಳಿಕ ಮಹಿಳೆ ಆಸ್ಪತ್ರೆಯಲ್ಲಿ ಸುರಕ್ಷಿತವಾಗಿ ಹೆರಿಗೆ ಆಯಿತು. ಈ ಘಟನೆ ಬಳಿಕ ಚಾಲಕ ಯಾವುದೇ ರೈಡ್ ತಿರಸ್ಕರಿಸಿಲ್ಲವಂತೆ. ಏಕೆಂದರೆ ಅವರು ತಮ್ಮ ಕೆಲಸವನ್ನು ಕೇವಲ ಒಂದು ವೃತ್ತಿಯಾಗಿ ಕಾಣದೆ ಒಂದು ಸೇವೆಯಾಗಿ ನೋಡಲು ಆರಂಭಿಸಿದ್ದರು. ಇದೀಗ ಈ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗಿದ್ದು, ಚಾಲಕನ ಸೇವೆಗೆ ಶುಭಾಶಯ ತಿಳಿಸುತ್ತಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
