ನಟ ನರೇಶ್ ಮತ್ತು ನಟಿ ಪವಿತ್ರಾ ಲೋಕೇಶ್ ಮದುವೆಯ ಅಸಲಿ ಸತ್ಯ ಕೊನೆಗೂ ಬಯಲಾಯ್ತು!

ತೆಲುಗು ನಟ ನರೇಶ್ ಮತ್ತು ನಟಿ ಪವಿತ್ರಾ ಲೋಕೇಶ್ ಅವರ ಮದುವೆ ವಿಚಾರ ಇತ್ತೀಚಿನ ದಿನಗಳಲ್ಲಿ ಬಹಳಷ್ಟು ಸದ್ದು ಮಾಡುತ್ತಿತ್ತು. ಇತ್ತೀಚಿಗಷ್ಟೇ ಇವರ ಮದುವೆ ವಿಡಿಯೋ ಒಂದು ಎಲ್ಲಾ ಕಡೆ ಸಕತ್ ವೈರಲ್ ಆಗಿತ್ತು. ಇದೀಗ ಇದರ ಕುರಿತು ಸ್ಪಷ್ಟನೆ ಸಿಕ್ಕಿದೆ.

ಇತ್ತೀಚಿಗಷ್ಟೇ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ನಟ ನರೇಶ್ ಮತ್ತು ನಟಿ ಪವಿತ್ರಾ ಲೋಕೇಶ್ ಅವರ ಮದುವೆ ವಿಡಿಯೋ ಅಸಲಿಯದಲ್ಲ. ಬದಲಾಗಿ ಅದು ಸಿನಿಮಾದ ಪ್ರಮೋಷನ್ ಗಾಗಿ ಮಾಡಿದ ಒಂದು ವಿಡಿಯೋ ಎಂದು ಸಾಬೀತಾಗಿದೆ. ಈ ಹಿಂದೆ ಇವರಿಬ್ಬರು ಒಟ್ಟಿಗೆ ಒಂದು ಸಿನಿಮಾ ಮಾಡುತ್ತಿದ್ದಾರೆ ಎಂಬ ವಿಷಯ ಎಲ್ಲಾ ಕಡೆ ಪ್ರಸಾರವಾಗುತ್ತಿತ್ತು. ಇದೀಗ ಈ ವಿಡಿಯೋ ಈ ಸಿನಿಮಾದ ಒಂದು ಝಲಕ್ ಎಂಬುದು ಕನ್ಫರ್ಮ್ ಆಗಿದೆ.

‘ಮತ್ತೆ ಮದುವೆ’ ಎಂದು ಈ ಸಿನಿಮಾಕ್ಕೆ ಹೆಸರಿಡಲಾಗಿದ್ದು, ಎಂ.ಎಸ್ ರಾಜು ಅವರು ಕಥೆ ಮತ್ತು ಚಿತ್ರಕಥೆ ಬರೆದಿದ್ದಾರೆ. ನರೇಶ್ ಅವರ ವಿಜಯ್ ಕೃಷ್ಣಮೂರ್ತಿ ಬ್ಯಾನರ್ ಅಡಿಯಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ. ಈ ಸಿನಿಮಾ ಕನ್ನಡ ಮತ್ತು ತೆಲುಗಿನಲ್ಲಿ ಬಿಡುಗಡೆಯಾಗಲಿದೆ.

ಮದುವೆ ವಿಡಿಯೋ ವೈರಲ್ ಆಗುವುದಕ್ಕಿಂತ ಮುಂಚೆ ಇವರಿಬ್ಬರ ಲಿಪ್ ಕಿಸ್ ವಿಡಿಯೋ ಒಂದು ಕೂಡ ಸಕತ್ ವೈರಲ್ ಆಗಿತ್ತು. ಹೊಸ ವರ್ಷದ ಸಮಯದಲ್ಲಿ ಕೇಕ್ ಕತ್ತರಿಸಿ ಇವರಿಬ್ಬರು ಸಂಭ್ರಮಿಸಿದ್ದರು. ಇದಾದ ಬಳಿಕ ಮದುವೆ ವಿಡಿಯೋ ಸಕತ್ ವೈರಲ್ ಆಯಿತು. ಆದರೆ ಇದೀಗ ಇವೆಲ್ಲದಕ್ಕೂ ಉತ್ತರ ಸಿಕ್ಕಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ