‘ಧನಂಜಯ್ ಗೆ ಪ್ರೊಪೋಸ್ ಮಾಡಿದಕ್ಕೆ ಪಾಪ ಧನಂಜಯ್​ಗೆ ಯಾರೂ ಹೆಣ್ಣು ಕೊಡ್ತಿಲ್ಲ’! ವಿಡಿಯೋ ಕುರಿತು ಸ್ಪಷ್ಟನೆ ನೀಡಿದ ನಟಿ ಅಮೃತ ಐಯ್ಯರ್

ಇತ್ತೀಚಿಗೆ ಸಾಮಾಜಿಕ ಜಾಲತಾಣದಲ್ಲಿ ಒಂದು ವಿಚಾರ ಬಹಳಷ್ಟು ಸದ್ದು ಮಾಡುತ್ತಿತ್ತು. ಅದೇನೆಂದರೆ ನಟ ಧನಂಜಯ್ ಮತ್ತು ನಟಿ ಅಮೃತ ಐಯ್ಯರ್ ಇಬ್ಬರು ಒಬ್ಬರೊಬ್ಬರನ್ನು ಇಷ್ಟಪಡುತ್ತಿದ್ದಾರೆಂದು. ಆದರೆ ಇದೀಗ ಇತ್ತೀಚಿಗೆ ಹೊಯ್ಸಳ ಸಿನಿಮಾದ ಇಂಟರ್ವ್ಯೂ ಸಮಯದಲ್ಲಿ ಅಮೃತ ಐಯ್ಯರ್ ಈ ವಿಷಯದ ಕುರಿತು ಸ್ಪಷ್ಟನೆ ನೀಡಿದ್ದಾರೆ.

ಧನಂಜಯ್ ಹಾಗೂ ಅಮೃತಾ ‘ಪಾಪ್​ಕಾರ್ನ್ ಮಂಕಿ ಟೈಗರ್​’ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದರು. ಈ ಸಿನಿಮಾದಲ್ಲಿ ಇವರಿಬ್ಬರ ಜೋಡಿ ಎಲ್ಲರಿಗೂ ಇಷ್ಟವಾಗಿತ್ತು. ಇದಾದ ನಂತರ ‘ಬಡವ ರಾಸ್ಕಲ್’ ಚಿತ್ರದಲ್ಲಿ ಈ ಜೋಡಿ ನಟಿಸಿದ್ದರು. ಬಳಿಕ ‘ಹೊಯ್ಸಳ’ ಚಿತ್ರದಲ್ಲಿ ಈ ಜೋಡಿ ಮತ್ತೆ ಒಂದಾಗಿದೆ. ಮಾರ್ಚ್ 30 ರಂದು ಈ ಸಿನಿಮಾ ಬಿಡುಗಡೆಯಾಗಲಿದೆ.

ಗೋಲ್ಡನ್ ಗ್ಯಾಂಗ್ ಕಾರ್ಯಕ್ರಮದಲ್ಲಿ ಗಣೇಶ್ ಧನಂಜಯ್ ಅವರಿಗೆ ಅಮೃತ ಅವರನ್ನು ಪ್ರೊಪೋಸ್ ಮಾಡುವ ಟಾಸ್ಕ್ ನೀಡಿದ್ದರು. ಇವರ ಪ್ರಪೋಸ್ ಮಾಡಿದ್ದ ವಿಡಿಯೋ ಸಾಕಷ್ಟು ವೈರಲ್ ಆಗಿತ್ತು. ಇದರ ಕುರಿತು ಮಾತನಾಡಿದ ಅಮೃತ ಮತ್ತೆ ಧನಂಜಯ್ ಜೊತೆ ಸಿನಿಮಾ ಮಾಡಬೇಕು ಎಂದಾಗ ಜನ ಟ್ರೋಲ್ ಮಾಡಬಹುದು ಎನ್ನುವ ಭಯ ಕಾಡಿತು. ಆದರೆ, ನಮ್ಮದು ಹಿಟ್ ಜೋಡಿ. ಟ್ರೋಲ್ ಮಾಡುತ್ತಾರೆ ಎಂದು ನಾನು ಎಂದಿಗೂ ಹಿಂಜರಿದಿಲ್ಲ. ಧನಂಜಯ್ ಜೊತೆ ಕೆಲಸ ಮಾಡೋಕೆ ಖುಷಿ ಎನಿಸುತ್ತದೆ’ ಎಂದಿದ್ದಾರೆ ಅಮೃತಾ.

‘ಧನಂಜಯ್ ಜೊತೆ ಫೋಟೋ ಹಾಕಿದಾಗ, ಹಿರಿಯ ನಟರು ಸಿಕ್ಕಾಗ ಇದೇ ವಿಚಾರ ಕೇಳ್ತಾರೆ. ಆಗ ನಾನು ಸ್ಪಷ್ಟನೆ ಕೊಡ್ತೀನಿ. ಇದನ್ನು ಹೇಗೆ ನಿಲ್ಲಿಸಬೇಕೋ ಗೊತ್ತಾಗ್ತಿಲ್ಲ. ಅದಕ್ಕೆ ಈ ವಿಚಾರದ ಬಗ್ಗೆ ಲಕ್ಷ್ಯ ಕೊಡುತ್ತಿಲ್ಲ. ಸೆಟ್​ನಲ್ಲಿ ಈ ತರಹ ರೀಲ್ಸ್ ಮಾಡಿ ನನಗೆ ಹೆಣ್ಣು ಕೊಡ್ತಿಲ್ಲ ಎಂದು ಧನಂಜಯ್ ರೇಗಿಸ್ತಾ ಇದ್ರು’ ಎಂದು ಧನಂಜಯ್ ಹೇಳಿದರು.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ