ಭಾರತ ತಂಡದ ಶ್ರೇಷ್ಠ ಆಟಗಾರ ಕೇದಾರ್ ಜಾಧವ್ ತಂದೆ ನಾಪತ್ತೆ! ಕೇಸ್ ದಾಖಲು

ಭಾರತ ತಂಡದ ಶ್ರೇಷ್ಠ ಆಟಗಾರ ಕೇದಾರ್ ಜಾಧವ್ ಅವರ ತಂದೆ ನಾಪತ್ತೆಯಾಗಿದ್ದು, ಇದೀಗ ಇದರ ಕುರಿತು ಸ್ವತಃ ಕೇದಾರ್ ಜಾಧವ್ ಮತ್ತು ಅವರ ಕುಟುಂಬದವರು ಅಲಂಕಾರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಕೇದಾರ್ ಜಾಧವ್ ಅವರ ತಂದೆ ಮಹದೇವ್ ಜಾಧವ್ ಸುಮಾರು 75 ವರ್ಷ ವಯಸ್ಸಿನವರು. ಸೋಮವಾರ ಪುಣೆ ನಗರದ ಕೊಟ್ರಡ್ ಪ್ರದೇಶದಿಂದ ಇವರು ನಾಪತ್ತೆಯಾಗಿದ್ದಾರೆ. ಯಾರಿಗೂ ತಿಳಿಸದೇ ಇವರು ಮನೆಯಿಂದ ಹೊರಗಡೆ ಹೋಗಿದ್ದಾರೆ. ಇದಾದ ಬಳಿಕ ಇವರು ಮನೆಗೆ ವಾಪಸ್ಸಾಗಲಿಲ್ಲ. ಕೊನೆಗೆ ಮನೆಯವರೆಲ್ಲ ಇವರನ್ನು ಹುಡುಕಿದರೂ ಯಾವುದೇ ಉಪಯೋಗ ವಾಗಿರಲಿಲ್ಲ. ಹೀಗಾಗಿ ಪೊಲೀಸ್ ಠಾಣೆಯಲ್ಲಿ ನಾಪತ್ತೆ ಕೇಸ್ ದಾಖಲಿಸಿದ್ದಾರೆ.

ಮಹದೇವ್ ಜಾಧವ್ 5 ಅಡಿ 6 ಇಂಚು ಎತ್ತರವಿದ್ದು, ಮುಖದ ಭಾಗದಲ್ಲಿ ಶಸ್ತ್ರ ಚಿಕಿತ್ಸೆ ಮಾಡಿರುವ ಮಾಡಿರುವ ಗುರುತು ಕೂಡ ಇದೆ. ಬಿಳಿ ಶರ್ಟ್ ಮತ್ತು ಬೂದು ಬಣ್ಣದ ಪ್ಯಾಂಟ್ ಧರಿಸಿದ್ದಾರೆ ಮತ್ತು ಕಣ್ಣಿಗೆ ಕಪ್ಪು ಕನ್ನಡಕ ಹಾಕಿದ್ದಾರೆ. ಇದಲ್ಲದೆ ಇವರ ಬೆರಳಲ್ಲಿ ಎರಡು ಉಂಗುರಗಳಿವೆ ಮತ್ತು ಇವರು ಮರಾಠಿ ಭಾಷೆ ಮಾತನಾಡುತ್ತಾರೆ ಎಂದು ದೂರಿನಲ್ಲಿ ಧಾಖಲಿಸಲಾಗಿದೆ.

copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ