ನಟ ರಿಯಲ್ ಸ್ಟಾರ್ ಉಪೇಂದ್ರ, ಕಿಚ್ಚ ಸುದೀಪ್ ಮತ್ತು ಹ್ಯಾಟ್ರಿಕ್ ಹೀರೋ ಶಿವ್ ರಾಜ್ ಕುಮಾರ್ ಅಭಿನಯದ ‘ಕಬ್ಜ’ ಮಾರ್ಚ್ 17 ಅಪ್ಪು ಹುಟ್ಟುಹಬ್ಬದಂದು ಪ್ರಪಂಚದಾದ್ಯಂತ ಬಿಡುಗಡೆಯಾಗಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ಕೆಜಿಎಫ್ ಮತ್ತು ಕಾಂತಾರ ಸಿನಿಮಾ ನಂತರ ಪ್ರಪಂಚದಲ್ಲಿ ಸದ್ದು ಮಾಡಿದ್ದ ಮತ್ತೊಂದು ಸಿನಿಮಾ ಎಂದರೆ ಅದು ‘ಕಬ್ಜ’ ಸಿನಿಮಾ. ಆದರೆ ಇದೀಗ ಈ ಸಿನಿಮಾ ಆನ್ಲೈನ್ ಪ್ಲಾಟ್ಫಾರ್ಮ್ ನಲ್ಲಿ ಬಿಡುಗಡೆಯಾಗಲು ಸಜ್ಜಾಗಿದೆ.
‘ಕಬ್ಜ’ ಸಿನಿಮಾ ಬಿಡುಗಡೆಯಾಗಿ 15 ದಿನ ಕೂಡ ಮುಗಿದಿಲ್ಲ. ಆದರೆ ಆರ್ ಚಂದ್ರು ಮತ್ತು ಚಿತ್ರ ತಂಡ ಈ ಸಿನಿಮಾವನ್ನು OTT ಪ್ಲಾಟ್ಫಾರ್ಮ್ ಅಂದರೆ ಅಮೆಜಾನ್ ಪ್ರೈಮ್ ನಲ್ಲಿ ಬಿಡುಗಡೆ ಮಾಡಲು ಚಿಂತಿಸುತ್ತಿದ್ದಾರೆ. ಈಗಾಗಲೇ ದಿನಾಂಕ ಕೂಡ ಘೋಷಿಸಿದ್ದಾರೆ.
ಏಪ್ರಿಲ್ 14 ರಂದು ‘ಕಬ್ಜ’ ಸಿನಿಮಾವನ್ನು ಅಮೆಜಾನ್ ಪ್ರೈಮ್ ನಲ್ಲಿ ಬಿಡುಗಡೆಮಾಡಲು ಚಿತ್ರತಂಡ ನಿರ್ಧರಿಸಿದೆ. ಬಹಳ ವರ್ಷಗಳ ನಂತರ ಉಪ್ಪಿ ನಾಯಕನಾಗಿ ನಟಿಸಿ ದೊಡ್ಡ ಮಟ್ಟದಲ್ಲಿ ಪಾನ್ ಇಂಡಿಯಾ ಸ್ಟಾರ್ ಆಗುವ ಎಲ್ಲ ಲಕ್ಷಣಗಳು ಕಾಣುತ್ತಿದ್ದವು. ಇದಲ್ಲದೆ ಈ ಸಿನಿಮಾ 1000 ಕೋಟಿ ಗಡಿ ಕೂಡ ದಾಟುತ್ತದೆ ಎಂದು ಅಂದಾಜಿಸಲಾಗಿತ್ತು. ಆದರೆ ಬಿಡುಗಡೆಯಾಗಿ ಇನ್ನು ಒಂದು ತಿಂಗಳು ಸಹ ಕಳಿಯದೆ ಈ ಸಿನಿಮಾವನ್ನು OTT ಯಲ್ಲಿ ಬಿಟ್ಟಿರುವುದು ನೆಟ್ಟಿಗರಿಗೆ ಒಂದು ದೊಡ್ಡ ಪ್ರಶ್ನೆಯಾಗಿ ಉಳಿದಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
