ಎಂ.ಎಸ್ ಧೋನಿ, ಈ ಹೆಸರು ಕೇಳಿದರೆ ಒಂದು ಕ್ಷಣ ಭಾರತೀಯರಿಗೆ ಮೈಯೆಲ್ಲಾ ರೋಮಾಂಚನವಾಗುತ್ತದೆ. ಇದಲ್ಲದೆ ವಿಶ್ವಕಪ್ ನಲ್ಲಿ ಧೋನಿ ಪ್ರದರ್ಶನವನ್ನು ಒಂದು ಕ್ಷಣ ನೆನೆಸಿಕೊಂಡರೆ ಸಾಕು ಕ್ರಿಕೆಟ್ ಪ್ರೇಮಿಗಳಿಗೆ ಅದು ಮರೆಯಲಾಗದ ಕ್ಷಣ. ಇದೀಗ ಧೋನಿ ಅಭಿಮಾನಿಗಳಿಗೆ ಮತ್ತೊಂದು ಸಂತಸದ ಸುದ್ದಿಯಿದೆ.
ಅದೊಂದು ಐತಿಹಾಸಿಕ ಕ್ಷಣ. ಭಾರತ ವಿಶ್ವಕಪ್ ಗೆದ್ದು ಸುಮಾರು 28 ವರ್ಷಗಳು ಕಳೆದಿತ್ತು. ಆದರೆ ಶ್ರೀಲಂಕಾ ವಿರುದ್ಧ ನಡೆದ ಫೈನಲ್ ಪಂದ್ಯದಲ್ಲಿ ಧೋನಿ ಬಾರಿಸಿದ್ದ ಆ ಒಂದು ಸಿಕ್ಸ್ ಭಾರತಕ್ಕೆ ತವರಿನಲ್ಲಿ ವಿಶ್ವಕಪ್ ಗೆಲ್ಲುವ ಮೂಲಕ ಟ್ರೋಫಿಯ ಬರ ಅಂತ್ಯಕಂಡಿತ್ತು. ಎಂಎಸ್‌ ಧೋನಿ ಬಾರಿಸಿದ ಸಿಕ್ಸರ್, ಸ್ಟ್ಯಾಂಡ್‌ ಒಂದರ ಸೀಟ್‌ಗೆ ಬಡಿದಿತ್ತು. ಈಗ ಅದೇ ಸೀಟ್‌ಗೆ ಎಂಎಸ್‌ ಧೋನಿ ಹೆಸರಿಡಲು ಎಂಸಿಎ ತೀರ್ಮಾನ ಮಾಡಿದೆ.
ಈ ಮೂಲಕ ಧೋನಿ ಮತ್ತೊಂದು ಧಾಖಲೆಯನ್ನು ಬರೆದಿದ್ದಾರೆ. ಇದಲ್ಲದೆ ಕ್ರೀಡಾಂಗಣವೊಂದರ ಸೀಟ್‌ಗೆ ತನ್ನ ಹೆಸರನ್ನು ಹೊಂದಿರುವ ಭಾರತದ ಮೊಟ್ಟಮೊದಲ ಆಟಗಾರ ಎನ್ನುವ ಕೀರ್ತಿಗೂ ಎಂಎಸ್‌ ಧೋನಿ ಪಾತ್ರರಾಗಲಿದ್ದಾರೆ.
ಇಂಡಿಯನ್ ಎಕ್ಸ್‌ಪ್ರೆಸ್‌ನಲ್ಲಿನ ವರದಿಯ ಪ್ರಕಾರ, ಇದೇ ಶನಿವಾರ ಮುಂಬೈ ಇಂಡಿಯನ್ಸ್‌ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್‌ ತಂಡಗಳು ಐಪಿಎಲ್‌ 2023 ಪಂದ್ಯದಲ್ಲಿ ಮುಖಾಮುಖಿಯಾಗಲಿದೆ. ವಾಂಖೆಡೆ ಮೈದಾನದಲ್ಲಿ ನಡೆಯಲಿರುವ ಪಂದ್ಯದ ವೇಳೆ ಧೋನಿ ಹೆಸರಿನ ಸೀಟ್‌ಅನ್ನು ಅನಾವರಣ ಮಾಡಲು ಎಂಸಿಎ ನಿರ್ಧಾರ ಮಾಡಿದೆ. ಈ ವೇಳೆ ಧೋನಿ ಕೂಡ ಇರುವುದರಿಂದ ಕಾರ್ಯಕ್ರಮ ವಿಶೇಷವಾಗಿರಲಿದೆ ಎಂದು ಎಂಸಿಎ ನಿರ್ಧಾರ ಮಾಡಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
