ಭಾರತ ಕ್ರಿಕೆಟ್ ನ ಕ್ಯಾಪ್ಟನ್ ಕೂಲ್ ಎಂದು ಪ್ರಸಿದ್ಧಿಯಾಗಿರುವ ಪ್ರಸ್ತುತ IPL ನ CSK ತಂಡದ ನಾಯಕ ಎಂ.ಎಸ್ ಧೋನಿ ಮತ್ತು ಸಿನಿಮಾ ಜಗತ್ತಿನಲ್ಲಿ ತಮ್ಮದೇ ಆದ ಹೆಸರನ್ನು ಮಾಡಿರುವ ಬಹುಭಾಷಾ ನಟಿ ಖುಷ್ಬೂ ಭೇಟಿಯಾಗಿದ್ದಾರೆ. ಭೇಟಿಯಾದ ಬಳಿಕ ಇವರು ಕೆಲ ಕಾಲ ಮಾತನಾಡುತ್ತಿದ್ದು, ಇದೀಗ ಇದರ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಈ ಫೋಟೋಗಳನ್ನು ಶೇರ್‌ ಮಾಡಿಕೊಂಡು ಟ್ವಿಟರ್‌ನಲ್ಲಿ ಬರೆದುಕೊಂಡಿರುವ ಅವರು, ‘ಹೀರೋಗಳು ಎಂದಿಗೂ ನಿರ್ಮಾಣ ಮಾಡಲಾಗೋದಿಲ್ಲ. ಅವರು ಹುಟ್ಟುತ್ತಾರೆ. ಧೋನಿ ಅದನ್ನು ಸಾಬೀತು ಮಾಡಿದ್ದಾರೆ. ಧೋನಿ ಇತ್ತೀಚೆಗೆ ನನ್ನ 88 ವರ್ಷದ ಅತ್ತೆಯನ್ನು ಭೇಟಿ ಮಾಡಿದರು. ಮಹೀ, ನೀವು ಅವರ ಜೀವನಕ್ಕೆ ಇನ್ನಷ್ಟು ಆರೋಗ್ಯ ಹಾಗೂ ಖುಷಿಯನ್ನು ನೀಡಿದ್ದೀರಿ. ಇದಕ್ಕಾಗಿ ನಿಮಗೆ ಥ್ಯಾಂಕ್ಸ್‌, ಚೆನ್ನೈ ಸೂಪರ್‌ ಕಿಂಗ್ಸ್‌ಗೆ ವಿಶಲ್‌ ಹೊಡೆಯಿರಿ’ ಎಂದು ಅವರು ಬರೆದುಕೊಂಡಿದ್ದಾರೆ.
ಅದರೊಂದಿಗೆ ಖುಷ್ಭೂ ಅವರ ಅತ್ತೆ ಧೋನಿಗೆ ಮುತ್ತು ನೀಡಿರುವ ಚಿತ್ರವನ್ನೂ ಹಾಕಿದ್ದಾರೆ. ಇದರ ಜೊತೆ ಮಾಹಿ ಜೊತೆ ತೆಗೆದ ಫೋಟೋ ಕೂಡ ಹಾಕಿದ್ದಾರೆ. ಇದೀಗ ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದ್ದು, ನೆಟ್ಟಿಗರು ಧೋನಿ ಅವರಿಗೆ ಅಭಿನಂದನೆಗಳನ್ನು ಸಲ್ಲಿಸುತ್ತಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
