IPL 2023 ಕ್ರಿಕೆಟ್ ಅಭಿಮಾನಿಗಳ ಮನಸಲ್ಲಿ ಸಕತ್ ಕ್ರೇಜ್ ಹುಟ್ಟಿಸಿದೆ. ದಿನದಿಂದ ದಿನಕ್ಕೆ IPL ಫೀವರ್ ಹೆಚ್ಚಾಗುತ್ತಿದೆ. ಇಂದು ಬಹಳ ದಿನಗಳಿಂದ ಕ್ರಿಕೆಟ್ ಅಭಿಮಾನಿಗಳು ಕಾಯುತ್ತಿದ್ದ RCB ಮತ್ತು CSK ನಡುವಿನ ಹೈ ವೋಲ್ಟೇಜ್ ಪಂದ್ಯ ಎಂದು ಹೇಳಿದರೆ ತಪ್ಪಾಗಲಾರದು. ಇದೀಗ ಇಂದಿನ ಪಂದ್ಯದಲ್ಲಿ CSK ತಂಡಕ್ಕೆ ದೊಡ್ಡ ಶಾಕ್ ಎದುರಾಗಿದೆ.
CSK ತಂಡಕ್ಕೆ IPL 2023 ಶುರುವಾದಾಗಿನಿಂದಲೂ ಗಾಯಾಳು ಸಮಸ್ಯೆ ಹೆಚ್ಚಾಗಿ ಕಡಿಸುತ್ತಿದೆ. ಮೊದಲಿಗೆ ದೀಪಕ್ ಚಹಾರ್ ಮತ್ತು ಸಿಮರ್ಜೀತ್ ಸಿಂಗ್ ಗಾಯಗೊಂಡರು. ಇದಲ್ಲದೇ ನಾಯಕ ಮಹೇಂದ್ರ ಸಿಂಗ್ ಧೋನಿ ಕೂಡ ಮಂಡಿ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಇವೆಲ್ಲದರ ನಡುವೆ ಇದೀಗ CSK ತಂಡದ ಸ್ಟಾರ್ ಆಟಗಾರ ಕೂಡ ಗಾಯದಿಂದ ಹೊರಗುಳಿಯಲಿದ್ದಾರೆ.
16.25 ಕೋಟಿ ಆಟಗಾರ ಬೆನ್ ಸ್ಟೋಕ್ಸ್ ಮುಂದಿನ ಎರಡು ವಾರಗಳವರೆಗೆ ಐಪಿಎಲ್‌ನಿಂದ ಹೊರಗುಳಿಯಬಹುದು. ಬೆನ್ ಸ್ಟೋಕ್ಸ್ ಮೊಣಕಾಲಿನ ಗಾಯದಿಂದ ಬಳಲುತ್ತಿದ್ದಾರೆ. ಹೀಗಾಗಿ ಇದರ ಕುರಿತು ಮಾಹಿತಿ ಹಂಚಿಕೊಂಡಿರುವ ಚೆನ್ನೈ ಸೂಪರ್ ಕಿಂಗ್ಸ್‌ನ ಸಿಇಒ ಕಾಶಿ ವಿಶ್ವನಾಥನ್ ಈ ಕುರಿತು ಮಾಹಿತಿ ನೀಡಿದ್ದು, ಬೆನ್ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಅವರು ಬಹಳ ಬೇಗ ಗುಣಮುಖರಾಗುತ್ತಾರೆ. ಏಪ್ರಿಲ್ 30ರ ವೇಳೆಗೆ ಅವರು ಸಂಪೂರ್ಣವಾಗಿ ಫಿಟ್ ಆಗುತ್ತಾರೆ ಎಂದು ನಾನು ಭಾವಿಸುತ್ತೇನೆ. ಏಪ್ರಿಲ್ 27ರಂದು ನಡೆಯಲಿರುವ ಪಂದ್ಯದಲ್ಲಿ ಆಡುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.
ಇದೀಗ CSK ತಂಡದ ನಾಯಕ ಎಂ.ಎಸ್ ಧೋನಿ ಕೂಡ ಗಾಯದ ಸಮಸ್ಯೆಯಿಂದ ಬಳಲುತ್ತಿದ್ದು, ಒಂದು ವೇಳೆ ಇವರ ಲಭ್ಯತೆ ಇಲ್ಲದೆ ಹೋದರೆ CSK ತಂಡಕ್ಕೆ ದೊಡ್ಡ ಹೊಡೆತವಾಗುತ್ತದೆ. ಹೀಗಾಗಿ ಗಾಯದ ಸಮಸ್ಯೆಯಿಂದ ಉತ್ತಮ ಆಟಗಾರರು ತಂಡದಿಂದ ಹೊರಗುಳಿಯುತ್ತಿರುವುದರಿಂದ CSK ತಂಡದ ಮ್ಯಾನೇಜ್ಮೆಂಟ್ ಗೆ ದೊಡ್ಡ ತಲೆನೋವಾಗಿದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
