ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಜನಪ್ರಿಯ ಸಿಂಗಿಂಗ್ ರಿಯಾಲಿಟಿ ಶೋ ‘ಸರಿಗಮಪ ಲಿಟಲ್ ಚಾಂಪ್ಸ್ ಸೀಸನ್ 19 ಎಲ್ಲರ ಮನೆಮಾತಾಗಿತ್ತು. ಈ ಕಾರ್ಯಕ್ರಮದಲ್ಲಿ ಪ್ರತಿಯೊಬ್ಬ ಪುಟ್ಟ ಗಾಯಕಿ ಕೂಡ ವೀಕ್ಷಕರನ್ನು ರಂಜಿಸುತ್ತಿದ್ದರು. ಅದರಲ್ಲಿ ಹೆಚ್ಚಾಗಿ ಜನಪ್ರಿಯಗಳಿಸಿದ ಗಾಯಕರಲ್ಲಿ “ದಿಯಾ ಹೆಗಡೆ” ಕೂಡ ಒಬ್ಬರು.
ಈ ಪುಟ್ಟ ಪೋರಿ ತನ್ನ ಮದುರವಾದ ದ್ವನಿಯ ಮೂಲಕ ಅಪಾರವಾದ ಅಭಿಮಾನಿಗಳನ್ನು ಸಂಪಾದಿಸಿದರು. ಇದೀಗ ಈ ಗಾಯಕಿ ‘ಸರಿಗಮಪ ಲಿಟಲ್ ಚಾಂಪ್ಸ್’ ಫಿನಾಲೆಯಲ್ಲಿ ಖ್ಯಾತ ನಟ ರಮೇಶ್ ಅರವಿಂದ್ ಅವರ ಮನ ಗೆದ್ದಿದ್ದಾರೆ. ಫಿನಾಲೆ ವೇದಿಕೆಯಲ್ಲಿ ಮಾತನಾಡಿದ ದಿಯಾ, ರಮೇಶ್ ಎಂದರೆ ಏನು ಅಂತ ವಿವರಿಸಿದರು. ‘ರ’ ಎಂದರೆ ರಂಜಿಸುವ ರೂಪವಂತ, ‘ಮೇ’ ಎಂದರೆ ಮೇರು ವ್ಯಕ್ತಿತ್ವದ ‘ಶಾ’ ಎಂದರೆ ಶಾರದೆಯ ಸುಪುತ್ರ ಅವರೇ ನಮ್ಮ ರಮೇಶ್ ಅರವಿಂದ್ ಸರ್ ಎಂದು ಹೇಳಿದ್ದಾರೆ.
ಈ ಮಾತು ರಮೇಶ್ ಅವರಿಗೆ ಎಷ್ಟು ಖುಷಿ ಕೊಟ್ಟಿತ್ತು ಎಂದರೆ ಅವರು ಸೀದಾ ವೇದಿಕೆಯ ಮೇಲೆ ಬಂದು ದಿಯಾ ಅವರನ್ನು ತಬ್ಬಿಕೊಂಡರು. ‘ದಿಯಾರನ್ನು ಹಾಗೆ ಎತ್ತಿಕೊಂಡು ವೀಕೆಂಡ್ ಕುರ್ಚಿಯಲ್ಲಿ ಕೂರಿಸಿ ಕೊಂಡಾಡೋಣ’ ಎಂದರು. ಬಳಿಕ ಎಲ್ಲರ ಪರವಾಗಿ ತಾನು ದಿಯಾ ಬಳಿ ಆಟೋಗ್ರಾಫ್ ತೆಗೆದುಕೊಳ್ಳುತ್ತೇನೆ ಎಂದು ಪುಟ್ಟ ಗಾಯಕಿ ದಿಯಾ ಹೆಗ್ಡೆ ಆಟೋಗ್ರಾಫ್ ತೆಗೆದುಕೊಂಡರು. ಇದು ದಿಯಾ ಅವರ ಪಾಲಿಗೆ ಮರೆಯಲಾಗದ ಕ್ಷಣ ಎಂದು ಹೇಳಿದರೆ ತಪ್ಪಾಗಲಾರದು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
