ಚಾಟ್ಸ್ ಎಂದರೆ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ. ಅದರಲ್ಲೂ ಪಾನಿ ಪುರಿ ಎಂದರೆ ಸಾಕು ಬಾಯಲ್ಲಿ ನೀರು ಸೋರುತ್ತದೆ. ಆದರೆ ಇತ್ತೀಚಿಗೆ ಎಲ್ಲಕಡೆ ಬಂಗಾರಪೇಟೆ ಚಾಟ್ಸ್ ಎಂಬ ಪದವನ್ನು ನಾವು ಕೇಳುತ್ತಿರುತ್ತೇವೆ. ಹಾಗಿದ್ದರೆ ಈ ಬಂಗಾರಪೇಟೆ ಚಾಟ್ಸ್ ಎಂದರೆ ಏನು, ಇದರ ಹೆಸರು ಹೇಗೆ ಹುಟ್ಟಿಕೊಂಡಿತು, ಇಲ್ಲಿ ಮಾಡುವ ಪಾನೀಯ ಬಣ್ಣ ಯಾಕೆ ವಿಭಿನ್ನವಾಗಿರುತ್ತದೆ, ಹೀಗೆ ಎಲ್ಲದರ ಕುರಿತು ಮಾಹಿತಿ ನಿಮಗೆ ತಿಳಿಸುತ್ತೇವೆ.
ಬಂಗಾರಪೇಟೆ ಚಾಟ್ ಶುರುವಾಗಿದ್ದು ಇಂದು ನಿನ್ನೆಯಲ್ಲ, ಕೋಲಾರ ಜಿಲ್ಲೆಯ ಬಂಗಾರಪೇಟೆ ಎಂಬ ಚಿಕ್ಕ ಊರಿನಲ್ಲಿ ಶುರುವಾದ ವಿಶೇಷ ಶೈಲಿಯ ಚಾಟ್ಸ್. ಬಂಗಾರಪೇಟೆಯ ಆರ್ ಪಾಂಡುರಂಗ ಶೆಟ್ಟಿ ಎಂಬುವವರು ಪಾನಿ ಪುರಿ ಅಂಗಡಿ ಇಟ್ಟುಕೊಂಡು ಜೀವನ ನಡೆಸುತ್ತಿದ್ದರು. ಆದರೆ ಅವರ ಮಗ ರಮೇಶನಿಗೆ ಅಪ್ಪನ ಪಾನಿ ಪುರಿ ಅಂಗಡಿಯನ್ನು ನಡೆಸಲು ಇಷ್ಟವಿರಲಿಲ್ಲ. ಇನ್ನೂ ಏನಾದ್ರೂ ಮಾಡ್ಬೇಕು ಎಂಬ ಆಸೆಯಿತ್ತು.
1984ರಲ್ಲಿ ಹೊಸ ಚಾಟ್ ಐಟಂ ಒಂದನ್ನು ಕಂಡುಹಿಡಿದರು ರಮೇಶ್. ಇದೀಗ ರಮೇಶ್ ಅವರ ಆಸೆಯಂತೆ ರೂಪುಗೊಂಡ ಹೊಸ ಚಾಟ್ಸ್ ಎಂದರೆ ಅದು ಬಂಗಾರಪೇಟೆ ಚಾಟ್ಸ್. ಬಂಗಾರಪೇಟೆ ಬಂದು ಕೋಲಾರ್ ಬಳಿ ಇರುವ ಒಂದು ಜಾಗ. ಕೋಲಾರ ಎಂದರೆ ಚಿನ್ನದ ಗಣಿ. ಇನ್ನು ಪೇಟ್ ಅಂದ್ರೆ ಪೇಟೆ. ಬಂಗಾರದ ಪೇಟೆಯ ಚಾಟ್ಸ್ ಅಂದ್ರೆ ಇದೇ ಬಂಗಾರ್ಪೇಟ್ ಚಾಟ್ಸ್.
ಇನ್ನು ಇದರ ಪಾನೀಯ ವಿಷಯಕ್ಕೆ ಬಂದರೆ ಬಹಳ ವಿಶೇಷ. ಇದರ ಪಾನಿ ಬಿಳಿ ಬಣ್ಣದಲ್ಲಿ ಇರುತ್ತದೆ. ಆದರೆ ಇದರ ಹಿಂದೆ ಇರುವ ಸತ್ಯಾಂಶ ಬೇರೆ ಇದೆ. ಜೀರಿಗೆ, ಹಸಿರು ಮೆಣಸಿನಕಾಯಿ, ಶುಂಠಿ, ಬೆಳ್ಳುಳ್ಳಿ ಮತ್ತು ನಿಂಬೆ ಎಲ್ಲವನ್ನೂ ಒಟ್ಟಿಗೆ ಸೇರಿಸಿ ಸೋಸಿ ತಯಾರಿಸಿದ ಈ ಬಿಳಿ ಬಣ್ಣದಂತೆ ಕಾಣುವ ಪಾನಿಯನ್ನು ತಯಾರಿಸಲಾಗುತ್ತದೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
