ಕಿಂಗ್ ಕೊಹ್ಲಿ ಎಂದು ಪ್ರಸಿದ್ಧಿಯಾಗಿರುವ ರನ್ ಮಷೀನ್ ವಿರಾಟ್ ಕೊಹ್ಲಿ IPL ಶುರುವಾದಾಗಿನಿಂದಲೂ RCB ಪರ ಆಟವಾಡುತ್ತಿದ್ದಾರೆ. RCB ತಂಡದ ಕಾಯಂ ಸದಸ್ಯ ಎಂದು ಹೇಳಿದರೆ ತಪ್ಪಾಗಲಾರದು. ಆದರೆ ವಿರಾಟ್ RCB ಬದಲು ಬೇರೆ ಫ್ರಾಂಚೈಸಿಗೆ ಸೇರುವ ಮನಸ್ಸು ಮಾಡಿದ್ದರಂತೆ. ಈ ಕುರಿತು ಸ್ವತಃ ವಿರಾಟ್ ತಿಳಿಸಿದ್ದಾರೆ.
ವಿರಾಟ್ 2013ರ ರಿಂದ 2021ರ ಅವಧಿಯಲ್ಲಿ 9 ಋತುಗಳಲ್ಲಿ ಆರ್‌ಸಿಬಿ ತಂಡಕ್ಕೆ ಅವರು ನಾಯಕರಾಗಿದ್ದರು. ಆದರೆ ಈ ಸಂದರ್ಭದಲ್ಲಿ ಅವರಿಗೆ RCB ತಂಡಕ್ಕೆ ಕಪ್ ಗೆಲ್ಲಿಸಿಕೊಡಲು ಸಾಧ್ಯವಾಗಿರಲಿಲ್ಲ. ಹೀಗಾಗಿ ಕೆಳೆದ ಎರಡು ವರ್ಷದ ಹಿಂದೆ ಇವರನ್ನು ಕ್ಯಾಪ್ಟನ್ ಸ್ಥಾನದಿಂದ ಕೈಬಿಡಲಾಗಿತ್ತು. ಇದಾದ ಬಳಿಕ ಅನೇಕ ಬಾರಿ ವಿರಾಟ್ ಐಪಿಎಲ್‌ನಲ್ಲಿ ನನಗೆ ಆರ್‌ಸಿಬಿ ನನ್ನ ಕೊನೆಯ ತಂಡ. ಮತ್ತೆ ಯಾವುದೇ ತಂಡ ಸೇರುವ ಇಚ್ಛೆಯಿಲ್ಲ ಎಂದು ಹೇಳಿದ್ದರು. ಆದರೆ, ಆರ್‌ಸಿಬಿ ಹಾಗೂ ಐಪಿಎಲ್‌ನ ಅರಂಭಿಕ ದಿನಗಳಲ್ಲಿ ಬೇರೆ ತಂಡವನ್ನು ಸೇರುವ ಮನಸ್ಸು ಮಾಡಿದ್ದೆ ಎಂದು ಸ್ವತಃ ವಿರಾಟ್ ಕೊಹ್ಲಿ ಹೇಳಿದ್ದಾರೆ.
ವಿರಾಟ್ ಅವರಿಗೆ ಅಗ್ರ ಕ್ರಮಾಂಕದಲ್ಲಿ ಆಡುವ ಅವಕಾಶ ಬೇಕಾಗಿತ್ತು. ಇದೆ ಕಾರಣಕ್ಕೆ ಬೇರೆ ಫ್ರಾಂಚೈಸಿಯಲ್ಲಿ ವಿರಾಟ್ ಕೊಹ್ಲಿ ಅವಕಾಶ ಕೇಳಿದ್ದರಂತೆ. ಆರ್‌ಸಿಬಿಯ ಆರಂಭಿಕ ದಿನಗಳಲ್ಲಿ ವಿರಾಟ್ ಕೊಹ್ಲಿ 5 ಹಾಗೂ 6ನೇ ಕ್ರಮಾಂಕದಲ್ಲಿ ಆಡುತ್ತಿದ್ದರು. ಆರಂಭಿಕನಾಗಿ ಆಡುವ ಅವಕಾಶ ಸಿಗುವ ನಿಟ್ಟಿನಲ್ಲಿ ಬೇರೆ ಫ್ರಾಂಚೈಸಿ ಜೊತೆ ಮಾತನಾಡಿದ್ದು, ಆ ತಂಡ ಕೊಹ್ಲಿಗೆ ಅವಕಾಶ ನೀಡಲು ನಿರಾಕರಿಸಿತ್ತಂತೆ.
ಆದರೆ IPL 2011 ರಲ್ಲಿ ಇದೆ ತಂಡದ ವಿರಾಟ್ ಅವರಿಗೆ ಆಫರ್ ನೀಡಿದ್ದರಂತೆ. ಆದರೆ ಅಷ್ಟೋತ್ತರಲ್ಲಿ ವಿರಾಟ್ ಭಾರತ ತಂಡದ ಶ್ರೇಷ್ಠ ಆಟಗಾರನಾಗಿದ್ದ ಮತ್ತು RCB ಅಭಿಮಾನಿಗಳು ವಿರಾಟ್ ಅವರನ್ನು ಬಹಳಷ್ಟು ಪ್ರೀತಿಸುತ್ತಿದ್ದರು. ಹೀಗಾಗಿ ಕೊನೆಗೆ ವಿರಾಟ್ ನಾನು ಕೊನೆಯವರೆಗೂ RCB ಪರ ಆಡುತ್ತೇನೆ ಎಂದು ಹೇಳಿದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
