ಇತ್ತೀಚಿಗೆ ಸಾನಿಯಾ ಮಿರ್ಜಾ ಮತ್ತು ಶೋಯಬ್ ಮಲಿಕ್ ಇಬ್ಬರ ನಡುವೆ ಸಂಬಂಧ ಹಾಳಾಗಿದೆ ಇವರಿಬ್ಬರು ವಿಚ್ಚೇದನ ಪಡೆಯುತ್ತಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿತ್ತು. ಆದರೆ ಇದರ ಕುರಿತು ಇಬ್ಬರು ಕೂಡ ಸರಿಯಾಗಿ ಪ್ರತಿಕ್ರಯಿಸುತ್ತಿರಲಿಲ್ಲ. ಇದೀಗ ಮೊದಲ ಬಾರಿಗೆ ಶೋಯಬ್ ಮಲಿಕ್ ಇದರ ಕುರಿತು ಮಾಹಿತಿ ನೀಡಿದ್ದಾರೆ.
ಈ ಬಗ್ಗೆ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿರುವ ಮಲಿಕ್, ಸಾನಿಯಾ ಹಾಗೂ ಮಗನ ಜೊತೆ ಈದ್‌ ಆಚರಿಸಬೇಕಿತ್ತು. ಆದರೆ ಅವರು ದೂರದಲ್ಲಿದ್ದಾರೆ. ಒತ್ತಡದ ವೇಳಾಪಟ್ಟಿಯಿಂದಾಗಿ ಒಟ್ಟಿಗೆ ಇರಲು ಸಮಯ ಸಿಗುತ್ತಿಲ್ಲ. ಆದರೆ ನಾವಿಬ್ಬರು ದೂರವಾಗುವ ಬಗ್ಗೆ ವರದಿಗಳು ಆಧಾರರಹಿತ’ ಎಂದಿದ್ದಾರೆ. ಈ ಮೂಲಕ ವದಂತಿಗಳ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.
ಇನ್ನು ಈ ವದಂತಿ ಹಬ್ಬಲು ಹಲವು ಕಾರಣಗಳು ಸಹ ಇದೆ. ಈ ಹಿಂದೆ ಸಾನಿಯಾ ಅವರ ಸ್ನೇಹಿತರು ಸಹ ಸಾನಿಯಾ ಮಿರ್ಜಾ ಹಾಗೂ ಶೋಯೆಬ್‌ ಮಲಿಕ್ ದಾಂಪತ್ಯ ಅಂತ್ಯಗೊಂಡಿದೆ. ಇಬ್ಬರ ವಿಚ್ಛೇದನ ಪ್ರಕ್ರಿಯೆ ಪೂರ್ಣಗೊಂಡಿದ್ದು, ಕಾಗದ ಪತ್ರಗಳ ಕಾರ‍್ಯ ಬಾಕಿ ಇದೆ ಎಂದು ತಿಳಿಸಿದ್ದರು. ಸಾನಿಯಾ ದುಬೈನಲ್ಲಿ ತಮ್ಮ ಮಗುವಿನೊಂದಿಗೆ ನೆಲೆಸಿದ್ದು, ಶೋಯೆಬ್‌ ಪಾಕಿಸ್ತಾನದಲ್ಲಿದ್ದಾರೆ ಎನ್ನಲಾಗುತ್ತಿದೆ. ಹೀಗಾಗಿ ಇವರಿಬ್ಬರ ವಿಚ್ಚೇದನದ ವದಂತಿ ಕುರಿತು ಇದೀಗ ಶೋಯಬ್ ಮಲಿಕ್ ಸ್ಪಷ್ಟನೆ ನೀಡಿದ್ದು, ಇದೀಗ ಈ ವಿವಾದ ತಣ್ಣಗಾಗುತ್ತಾ ಇಲ್ಲವ ಎಂದು ಕಾದು ನೋಡಬೇಕು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
