ಕರ್ನಾಟಕ ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬರುತ್ತಿದ್ದಂತೆ ಜನರು ತಾವು ಕರೆಂಟ್ ಬಿಲ್ ಕಟ್ಟುವುದಿಲ್ಲ ಎಂದು ಗಲಾಟೆ ಮಾಡುತ್ತಿರುವ ವಿಡಿಯೋ ಇತ್ತೀಚಿಗೆ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗಿತ್ತು. ಇದೀಗ ಸರ್ಕಾರ ಘೋಷಿಸಿರುವ ಲಾಭವನ್ನು ಪಡೆಯಲು BPL ಕಾರ್ಡ್ ಮಾಡಿಸಲು ಜನರು ಸಾಲಾಗಿ ಸೈಬರ್ ಸೆಂಟರ್ ನಲ್ಲಿ ಸಾಲಾಗಿ ನಿಂತು ಅರ್ಜಿ ಸಲ್ಲಿಸುತ್ತಿದ್ದಾರೆ.
ಹೊಸ ಕಾರ್ಡ್ ಮಾಡಿಸಲು ಜನ ಬೆಂಗಳೂರು ಒನ್ ಹಾಗೂ ಸೈಬರ್ ಸೆಂಟರ್‌ಗೆ ಧಾವಿಸುತ್ತಿದ್ದಾರೆ. ನಿತ್ಯ 20 ರಿಂದ 30 ಜನ ಒಂದೊಂದು ಸೈಬರ್ ಸೆಂಟರ್‌ಗೆ ಅರ್ಜಿ ಹಾಕಲು ಬರುತ್ತಿದ್ದಾರೆ. ಆದರೆ ಸರ್ಕಾರದಿಂದ ಹೊಸ ರೇಷನ್ ಕಾರ್ಡ್‍ಗೆ ಅರ್ಜಿ ಸಲ್ಲಿಸಲು ಇನ್ನು ಯಾವುದೇ ಸೂಚನೆ ನೀಡಿಲ್ಲ. ಹೀಗಾಗಿ ಅರ್ಜಿ ಸಲ್ಲಿಸಲು ಬಂದವರು ವಾಪಸ್‌ ಮರಳುತ್ತಿದ್ದಾರೆ.
ಇದೀಗ ಸೈಬರ್ ಸೆಂಟರ್ ಗಳಲ್ಲಿ ಜನ ಮುಗಿಬಿದ್ದಿರುವುದನ್ನು ಕಂಡು ಸೈಬರ್ ಸೆಂಟರ್ ನ ಮಾಲೀಕರಿಗೆ ಶಾಕ್ ಆಗಿದೆ. ಸೈಬರ್ ಸೆಂಟರ್ ಮಾಲೀಕರು ಕೂಡ ಹೊಸ ಅರ್ಜಿಗಳಿಗೆ ಅವಕಾಶ ನೀಡಿದ್ಯಾ ಎಂದು ಇಲಾಖಾ ವೆಬ್ ಸೈಟ್ ಓಪನ್ ಮಾಡಿ ಪರಿಶೀಲಿಸಲು ಪ್ರಯತ್ನಿಸಿದರೂ ಸಹ ಸರ್ವರ್ ಸಮಸ್ಯೆಯ ಕಾರಣದಿಂದ ಅದು ಓಪನ್ ಆಗುತ್ತಿಲ್ಲ.
ಆದರೆ ಇಲ್ಲಿ ಗಮನಿಸಬೇಕಾದ ಅಚ್ಚರಿಯ ಸಂಗತಿ ಎಂದರೆ ಈ ಹಿಂದೆ BPL ಕಾರ್ಡ್ ಮಾಡಿಸಲು ಕೇವಲ ಗ್ರಾಮೀಣ ಭಾಗಗಳಲ್ಲಿ ಜನ ಮುಗಿಬೀಳುತ್ತಿದ್ದರು. ಆದರೆ ಇದೀಗ ಮೊದಲನೆಯ ಬಾರಿಗೆ ಬೆಂಗಳೂರು ಅಂತಹ ದೊಡ್ಡ ನಗರದ ಜನರು BPL ಕಾರ್ಡ್ ಮಾಡಿಸಲು ಸಾಲಾಗಿ ನಿಂತಿರುವುದು ವಿಶೇಷ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
