IPL 2023 ರಲ್ಲಿ ಉತ್ತಮ ಪ್ರದರ್ಶನ ನೀಡಿದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ 10 ನೇ ಬಾರಿಗೆ ಫೈನಲ್ ತಲುಪಿದೆ. ಗುಜರಾತ್ ವಿರುದ್ಧ ನಡೆದ ಮೊದಲ ಕ್ವಾಲಿಫೈರ್ ಪಂದ್ಯದಲ್ಲಿ CSK ಪರ ರವೀಂದ್ರ ಜಡೇಜಾ ಉತ್ತಮ ಪ್ರದರ್ಶನ ತೋರಿದ್ದರು. ಇದಕ್ಕಾಗಿ ಇವರಿಗೆ ಮೋಸ್ಟ್ ವ್ಯಾಲ್ಯುಯಬಲ್ ಪ್ರಶಸ್ತಿ ನೀಡಲಾಯಿತು. ಪ್ರಶಸ್ತಿ ಸ್ವೀಕರಿಸದ ಬಳಿಕ ಜಡೇಜಾ CSK ಅಭಿಮಾನಿಗಳ ವಿರುದ್ಧ ಬೇಸರ ಹೊರಹಾಕಿದರು.
CSK ಮತ್ತು GT ವಿರುದ್ಧ ನಡೆದ ಪಂದ್ಯದಲ್ಲಿ ಜಡೇಜಾ ಉತ್ತಮ ಪ್ರದರ್ಶನ ತೋರಿದರು. ಬ್ಯಾಟಿಂಗ್ ನಲ್ಲಿ 22 ರನ್ ಗಳ ಕೊಡುಗೆ ನೀಡಿದರು. ಇನ್ನು ಬೌಲಿಂಗ್ ವಿಭಾಗದಲ್ಲಿ 4 ಓವರ್‌ಗಳಲ್ಲಿ ಕೇವಲ 18 ರನ್ ನೀಡಿ 2 ವಿಕೆಟ್ ಪಡೆದು ಉತ್ತಮ ಆಟಗಾರರಿಗಿ ಹೊರಹೊಮ್ಮಿದರು. ಹೀಗಾಗಿ ಇವರಿಗೆ ಮೋಸ್ಟ್ ವ್ಯಾಲ್ಯುಯಬಲ್ ಪ್ರಶಸ್ತಿ ನೀಡಲಾಯಿತು.
Upstox knows but..some fans don’t 🤣🤣 pic.twitter.com/6vKVBri8IH
— Ravindrasinh jadeja (@imjadeja) May 23, 2023
ಮೋಸ್ಟ್ ವ್ಯಾಲ್ಯುಯಬಲ್ ಪ್ರಶಸ್ತಿಯ ಫೋಟೊವನ್ನ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಜಡೇಜಾ ‘ನಾನು ಮೋಸ್ಟ್ ವ್ಯಾಲ್ಯುಯಬಲ್ ಪ್ಲೇಯರ್ ಎಂಬುದು ಅಪ್‌ಸ್ಟಾಕ್ಸ್‌ಗೆ ಗೊತ್ತಿದೆ. ಆದರೆ ಕೆಲವು ಅಭಿಮಾನಿಗಳಿಗೆ ತಿಳಿದಿಲ್ಲ ಎಂದು ನಗುವಿನ ಎಮೋಜಿ ಹಾಕಿ ಬರೆದುಕೊಂಡಿದ್ದಾರೆ. ಹೀಗೆ ರವೀಂದ್ರ ಜಡೇಜಾ ಯಾಕೆ ಅಭಿಮಾನಿಗಳ ವಿರುದ್ಧವೇ ಬರೆದುಕೊಂಡಿದ್ದಾರೆ ಎಂದು ಅನೇಕರು ಗೊಂದಲಕ್ಕೀಡಾಗಿದ್ದಾರೆ. ಆದರೆ ಜಡೇಜಾ ತಮ್ಮದ್ದೇ ತಂಡದ ಅಭಿಮಾನಿಗಳನ್ನು ಕೆಣಕುವಂತೆ ಈ ರೀತಿ ಬರೆದುಕೊಂಡಿರುವುದು ಧೋನಿ ಫ್ಯಾನ್ಸ್‌ಗೆ ಬೇಸರ ತರಿಸಿದೆ.
ಇದಕ್ಕೆ ಒಂದು ಕಾರಣವಿದೆ. ಏಕೆಂದರೆ ಜಡೇಜಾ ಬ್ಯಾಟಿಂಗ್ ಆಡಲು 6ನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯುತ್ತಾರೆ. ಆದರೆ CSK ಅಭಿಮಾನಿಗಳ ನೆಚ್ಚಿನ ಆಟಗಾರ ಎಂ. ಎಸ್ ಧೋನಿ 7ನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯುತ್ತಾರೆ. ಹೀಗಾಗಿ ಜಡೇಜಾ ಬ್ಯಾಟಿಂಗ್ ಮಾಡಲು ಬಂದಾಗ ಅಭಿಮಾನಿಗಳು ಧೋನಿ ಧೋನಿ ಎಂದು ಕೂಗುತ್ತಾರೆ. ಇದಲ್ಲದೆ ಜಡೇಜಾ ವಿಕೆಟ್ ಬಿದ್ದ ಬಳಿಕ CSK ಅಭಿಮಾನಿಗಳು ಸಂಭ್ರಮಿಸುತ್ತಾರೆ. ಇದು ಜಡೇಜಾ ಅವರಿಗೆ ಬಹಳಷ್ಟು ಬೇಸರ ತಂದಿದೆ.
ಇನ್ನು ಜಡೇಜಾ ಪೋಸ್ಟ್ ಮಾಡಿರುವುದನ್ನು ನೋಡಿರುವ RCB ಅಭಿಮಾನಿಗಳು ನೀವು ಇದೀಗ CSK ತಂಡವನ್ನು ತೊರೆದು RCB ತಂಡಕ್ಕೆ ಬನ್ನಿ. ಇದು ನಿಮಗೆ ಒಂದು ಒಳ್ಳೆಯ ಅವಕಾಶ ಎಂದು ಟ್ವೀಟ್ ಮೂಲಕ ತಿಳಿಸುತ್ತಿದ್ದಾರೆ.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
