ಸೋಷಿಯಲ್ ಮೀಡಿಯಾ ಫಾಲೋ ಮಾಡುವ ತೆಲುಗಿನ ಜನರಲ್ಲಿ ರಾಕೇಶ್ ಮಾಸ್ಟರ್ ಗೊತ್ತಿಲ್ಲದವರೇ ಇಲ್ಲ. ಕೊರಿಯೋಗ್ರಾಫರ್ ಕೆಲಸ ಬಿಟ್ಟು ಯೂಟ್ಯೂಬ್ ಚಾನೆಲ್ ಗಳಿಗೆ ಇಂಟರ್ ವ್ಯೂ ಕೊಡಲು ಶುರು ಮಾಡಿದ್ದ ರಾಕೇಶ್ ಮಾಸ್ಟರ್ ದಿಢೀರ್ ಕಣ್ಣು ಮುಚ್ಚಿದ್ದು ಫಾಲೋವರ್ಸ್ ಗೆ ದೊಡ್ಡ ಶಾಕ್ ಎದುರಾಗಿದೆ. ನೆನ್ನೆ ಸಂಜೆ ರಾಕೇಶ್ ಅವರು ಮೃತರಾಗಿದ್ದಾರೆ .
ವಾರದ ಹಿಂದೆ ವೈಜಾಗ್ ಹೊರಾಂಗಣ ಶೂಟಿಂಗ್ ನಿಂದ ಹೈದರಾಬಾದ್ ಗೆ ಬಂದಿದ್ದ ರಾಕೇಶ್ ಮಾಸ್ಟರ್. ಅಂದಿನಿಂದ ಅವರು ಅನಾರೋಗ್ಯದಿಂದ ಬಳಲುತ್ತಿದ್ದರು ಎಂದು ವರದಿಯಾಗಿದೆ. ನಗರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದರೂ ರಾಕೇಶ್ ಮಾಸ್ಟರ್ ಗುಣಮುಖರಾಗಿರಲಿಲ್ಲ. ಭಾನುವಾರ ಬೆಳಗ್ಗೆ ರಾಕೇಶ್ ಮಾಸ್ಟರ್ ಅವರ ಮನೆಯಲ್ಲಿ ರಕ್ತಸ್ರಾವವಾಗಿತ್ತು. ಕೂಡಲೇ ಅವರನ್ನು ರಾಮ್ ನಗರದ ಗಾಂಧಿ ಆಸ್ಪತ್ರೆಗೆ ಕರೆದೊಯ್ದಿದ್ದು, ತುರ್ತು ಚಿಕಿತ್ಸಾ ವಿಭಾಗದ ವೈದ್ಯರು ರಾಕೇಶ್ ಮಾಸ್ತರ್ ಅವರ ಜೀವ ಉಳಿಸಲು ಹರಸಾಹಸ ಪಟ್ಟರೂ ಯಾವುದೇ ಪ್ರಯೋಜನವಾಗಲಿಲ್ಲ.
ಸಂಜೆ 5 ಗಂಟೆ ಸುಮಾರಿಗೆ ಮೃತಪಟ್ಟಿರುವುದಾಗಿ ವೈದ್ಯರು ಖಚಿತಪಡಿಸಿದ್ದಾರೆ. ರಾಕೇಶ್ ಮಾಸ್ಟರ್ ಆಸ್ಪತ್ರೆಯಲ್ಲಿ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ಫೋಟೋಗಳೂ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. 90ರ ದಶಕದಲ್ಲಿ ರಾಕೇಶ್ ಮಾಸ್ಟರ್ ಹಲವು ಚಿತ್ರಗಳಿಗೆ ನೃತ್ಯ ನಿರ್ದೇಶಕರಾಗಿದ್ದರು. ಈಗ ಟಾಪ್ ನೃತ್ಯ ನಿರ್ದೇಶಕರಾಗಿರುವ ಶೇಖರ್ ಮಾಸ್ಟರ್ ಅವರ ಶಿಷ್ಯ. ರಾಕೇಶ್ ಮಾಸ್ಟರ್ ಹಲವು ವರ್ಷಗಳಿಂದ ಯೂಟ್ಯೂಬ್ ಸಂದರ್ಶನಗಳ ಮೂಲಕ ಸಾಮಾಜಿಕ ಮಾಧ್ಯಮದ ಸೆಲೆಬ್ರಿಟಿಯಾಗಿದ್ದರು.
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
