ದೀಪು ಗೌಡ್ರು ಎಂಬ ಹೆಸರಿನ ಟ್ವಿಟರ್ ಬಳಕೆದಾರರೊಬ್ಬರು ಜೈನ ಮುನಿಗೆ ಅವಮಾನ ಮಾಡಿದ್ದಾರೆ ಎಂದು ಆರೋಪಿಸಿ ಜೈನ ಧರ್ಮಿಯರು ಅಸಮಾಧಾನ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಕ್ತಪಡಿಸಿದ್ದಾರೆ.
ಜೈನ ಮುನಿಗೆ ಅವಮಾನವಾಗುವಂತಹ ವಿಡಿಯೊ ಟ್ವೀಟ್ ಮಾಡಿರುವ ದೀಪು ಗೌಡ್ರು ಹೆಸರಿನ ಟ್ವೀಟಿರ್ ಬಳಕೆದಾರ ಆ ವಿಡಿಯೋಗೆ “ಅತಿಯಾದ ಮೂಢನಂಬಿಕೆ ಅಂದರೆ ಇದೇ ನೋಡಿ..” ಎಂದು ಒಕ್ಕಣೆ ಬರೆದಿದ್ದರು. ಅಲ್ಲದೆ ಆ ಟ್ವೀಟ್ ನಲ್ಲಿ “#Dharma #IncredibleIndia” ಎಂಬ ಹ್ಯಾಶ್ ಟ್ಯಾಗ್ ಗಳನ್ನ ಸಹ ಹಾಕಿದ್ದರು.
ಅತಿಯಾದ ಮೂಢನಂಬಿಕೆ ಅಂದರೆ ಇದೇ ನೋಡಿ..#Dharma #IncredibleIndia pic.twitter.com/ScCrFcPSpX
— DEEPU GOWDRU (@DEEPUVAJRAMUNI) September 10, 2023
ವಿಡಿಯೋದಲ್ಲಿ ಇರುವುದೇನು?
ದೀಪು ಗೌಡ್ರು ಹೆಸರಿನ ಟ್ವೀಟಿರ್ ಬಳಕೆದಾರ ಹಂಚಿಕೊಂಡಿರುವ ವಿಡಿಯೋದಲ್ಲಿ ದಿಗಂಬರ ಜೈನ ಮುನಿಯೊಬ್ಬರನ್ನು ಜೈನ ಭಕ್ತರು ನಮಸ್ಕರಿಸುತ್ತಾ ಪ್ರದಕ್ಷಿಣೆ ಹಾಕುತ್ತಿರುತ್ತಾರೆ. ಅದರಲ್ಲಿ ಮಹಿಳೆಯರೇ ಹೆಚ್ಚಾಗಿ ಇರುತ್ತಾರೆ. ಈ ವಿಡಿಯೋವನ್ನು ಹಂಚಿಕೊಂಡು ಅಪೇಕ್ಷಾರ್ಹ ಒಕ್ಕಣೆ ಬರೆದು ಪೋಸ್ಟ್ ಮಾಡಿದ್ದಕ್ಕಾಗಿ ಜೈನರು ಗರಂ ಆಗಿದ್ದಾರೆ.
ದಿಗಂಬರ ಜೈನ ಧರ್ಮೀಯರಲ್ಲಿ ಜೈನ ಮುನಿಗಳಿಗೆ ಪೂಜ್ಯನೀಯ ಸ್ಥಾನಮಾನ ಇರುತ್ತದೆ ಆದರೆ ದೀಪು ಗೌಡ್ರು ಹಾಕಿರುವ ಅಪೇಕ್ಷಾರ್ಹ ಪೋಸ್ಟ್ ನಿಂದಾಗಿ ನಮ್ಮ ಧಾರ್ಮಿಕ ಭಾವನೆಗೆ ಧಕ್ಕೆಯುಂಟಾಗಿದೆ. ಕೂಡಲೇ ಸರ್ಕಾರ ಮತ್ತು ಸಂಭಂದಪಟ್ಟ ಪೊಲೀಸರು ದೀಪು ಗೌಡ್ರು ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಜೈನ ಸಮುದಾಯದವರು ಸಾಮಾಜಿಕ ಜಾಲತಾಣಗಳಲ್ಲಿ ಆಗ್ರಹಿಸುತ್ತಿದ್ದಾರೆ..
copying or reproducing the above content in any format without approval is criminal offence and will be prosecuted in Bengaluru court © ಸುವರ್ಣಾನುಡಿ
